كەڭ ارناعا ديامەترى ساي كەلمەيتىن قۇبىر سالىنعان. قۇقۇقبۇزۋشىلىق فاكتىسى انىقتالعان جاعدايدا قر زاڭناماسىنا سايكەس كىنالى دەپ تانىلعاندار جاۋاپكەرشىلىككە تارتىلادى.
بۇل ۋچاسكەنىڭ قۇرىلىسى تۋرالى كەلىسىم 2017 جىلى جاسالعان. ديامەترى 1,5 مەتر قۇبىردى ورناتۋ تۋرالى تەحنيكالىق شەشىمدى الماتى قالالىق «كازدورپروەكت» جشس ازىرلەدى جانە «قازاۆتوجول» فيليالى – «قۇرىلىس ديرەكتسياسى», «گك ينجينيرينگ» جشس تەحنيكالىق قاداعالاۋ قىزمەتى, CITIC Construction مەردىگەر ۇيىمى بىرلەسىپ قابىلداعان. ولار قابىلدانعان جوبالىق شەشىمدەر ءۇشىن تىكەلەي جاۋاپتى.
وسىنداي جاعدايدى الداعى ۋاقىتتا بولدىرماي, الدىن-الۋ ماقساتىندا رەسپۋبليكالىق ماڭىزى بار جولدارداعى قۇبىرلار مەن مال وتكەلدەرىندە رەۆيزيا جۇرگىزىلىپ جاتىر.
قازىر ۋچاسكەدە قايتا قالپىنا-كەلتىرۋ جۇمىستارى جالعاسىپ جاتىر. تاۋلىك بويى قاداعالاۋ ۇيىمداستىرىلدى, ۋچاسكە ءالى دە جابىق تۇر. 16 بىرلىك ارنايى تەحنيكا مەن 20-عا جۋىق جول جۇمىسشىسى جۇمىلدىرىلدى.
